Hallo Kinnäla

Wolld iä wissn wos Aikido is? Seid iä zwischn 8 und 13 Johr old?

In Oddnung, dann kummd zä uns ins Kinnä-Drähning am Diensdoch odä Freidoch vo 17.30 bis 19.00 Uä.

Do des Aikido aus deä Kunst deä Samurai hävoäganga is, werd bei uns aa mit am Schdogg und an hölzäna Schwädd gäübd. Dobei gild, dass mä nuä midänandä und nie geechäänandä dränieän könna.

Aikido is a jabanischa Budo-Kunst, in deä durch Ausweichng und ned durch Zärückschlang die Graft des Geechnäs ausgschalded werd. Des hassd, dass mä ned groß und schdarg sei muss, um aa größära un schdärkära Übungsbadnä beweeng zä könna.

In deä Fallschuln werd a Möchlichkeid des Ausweichns, aber ned des Zärückweichns, eischdudierd. Durch Ühm mit annära Aikido-Leud länna miä aufänandä Rüggsichd zä nehma un drodzdem unsära eichäna Schdärkng kenna.

Do`s im Aikido kann Weddkambf gibd (miä müssn uns ned messna), dreffm miä uns mit Aikido-Grubbn aus annära Väeine un väanschdaldn gemeinsama Lehrgäng und Fesdla. Doäd machn miä zwoä aa Aikido, abä aa viela lusdicha Sachng drum herum.

Miä freun uns scho, wenn iä kummd un midmachd.

Wenn dä noch wos wissn wolld, dann rufd dä die Julia Vilkova oo: Tel. 0157-802-43724.